“ខ្ញុំគិតថានរណាទាត់ចូលក៏ក្រុមឈ្នះដែរ” ជាពាក្យមួយឃ្លាដ៏មានន័យ ដែល ចាន់ វឌ្ឍនាកា បញ្ជាក់ពីមូលហេតុឱ្យប្រាក់ មុន្នីឧត្តម ជាអ្នកទាត់បាល់ពិន័យ១១ម៉ែត្រយកឈ្នះក្រុម Lao All Stars កាលពីយប់មិញ។
ក្រោយលទ្ធផលស្មើគ្នា ២-២ នៅយប់មិញនេះ ខាងក្រុម Cambodia All Stars ទទួលបានបាល់ពិន័យ១១ម៉ែត្រ បន្ទាប់ពីខាងកីឡាករក្រុមឡាវបង្កកំហុសលើ វឌ្ឍនាកា ក្នុងតំបន់គ្រោះថ្នាក់។ គ្រានោះ អ្នកគាំទ្រទាំងអស់សឹងតែគិតគ្រប់គ្នាទៅហើយថាប្រាកដជាតារាជើងស៊ុតរបស់បឹងកេតជាអ្នកទាត់បាល់នោះហើយ ប៉ុន្តែជាក់ស្ដែងទៅរូបគេបែរជាឱ្យបាល់នោះទៅមិត្តរួមក្រុម ប្រាក់ មុន្នីឧត្តមជាអ្នកស៊ុតបញ្ចូលទីទៅវិញ។
ចំពោះកន្លែងនេះដែរ កីឡាករដើមកំណើតនៅកំពតខាងលើ បានបកស្រាយប្រាប់ Sabay ថា មកពីមិនចាំបាច់តែស៊ុតគ្រប់ប្រកួតនោះទេ អ្វីដែលសំខាន់គឺឱ្យតែក្រុមទាំងមូលឈ្នះការប្រកួតទៅបានហើយ។ វាមិនមែនជារឿងសំខាន់ទេ សម្រាប់នរណាជាអ្នកស៊ុតចូល អ្វីដែលសំខាន់គឺលេងសហការគ្នាយកឈ្នះគូប្រកួត។
No comments:
Post a Comment